Rhaglen Genedlaethol Plant a Phobl Ifanc (NLCYP)
O fewn Gwasanaeth Lymffoedema pob Bwrdd Iechyd mae clinigwr Plant a Phobl Ifanc (PPI) dynodedig, a gefnogir gan ein Tîm Plant a Phobl Ifanc Cenedlaethol (Arweinydd Clinigol ac Arbenigwr Lymffoedema). Mae cydgynhyrchu a gofal sy’n canolbwyntio ar y claf yn ganolog i’n hymagwedd at driniaeth a’r cyngor arbenigol a roddwn i gleifion a’u teuluoedd.
Beth ydyn ni'n ei wneud?
- Gweithio gyda chleifion a'u teuluoedd i sicrhau eu bod yn deall lymffoedema;
- Defnyddio offer cydnabyddedig i asesu a deall yr effaith gorfforol, gymdeithasol a seicolegol y gall lymffoedema ei chael;
- Grymuso, galluogi a chefnogi strategaethau hunanreoli y gellir eu haddasu i gyd-fynd â gweithgareddau o ddydd i ddydd, gyda'r nod o reoli neu leihau chwyddo a lleihau'r risgiau o ddatblygu llid yr isgroen;
- Darparu cyfleoedd ar gyfer cymorth cymheiriaid a chynhwysiant trwy ddigwyddiadau, diwrnodau gweithgaredd a digwyddiadau rhanddeiliaid;
- Cyflwyno dysgu achrededig a sesiynau hyfforddi anffurfiol ar gyfer gweithwyr proffesiynol eraill sy'n gweithio gyda phlant mewn gwasanaethau pediatrig a lleoliadau addysg;
- Cychwyn a chymryd rhan mewn prosiectau ymchwil lymffoedema cenedlaethol a rhyngwladol sy'n benodol i'r grŵp oedran hwn;
- Hyrwyddo ein Gwasanaeth a chanfyddiadau yn rhyngwladol gan ddefnyddio podlediadau a gweminarau.
